Terawihda adem tutqan sékrétar éghir yarilanduruldi, ayali öltürüldi

Qaraqash nahiyisining purchaqchi yéza ayaq purchaqchi kentining sékrétari rejep islam, mushu ayning 19-küni terawih namizi waqtida meschitke üsüp kirip qara tizimliktiki 6 neper gumandarni yéteklep achiqip meschitni qorshaw alghan saqchi we eskerlerge tapshurup bergen.

Diniy ishlarni bashqurushtiki qattiq qolluqi we xitayning muqimliq xizmitige maslishishtiki aktipchanliqi bilen tonulghan rejep islam a'ilisi, shu qétimliq terawihdin 4 sa'etche waqit ötkende hujumgha uchrighan.

5 Kishilik bir guruppa rejep islamning qorusigha bésip kirip awwal ashxana öyidiki zeynepxan'gha, arqidin öy ichige bésip kirip, rejep islamgha pichaqliq hujum qilghan. Hujumda zeynepxan neq meydanda ölgen, rejep islam bir sa'ettin kéyin hoshigha kélip ehwalni saqchigha melum qilghan.

Nöwette qaraqash nahiyiside bu weqege chétishliq 5 gumandarni tutush seperwerliki dawam qilmaqta, yaridar rejep islam bolsa, nahiyilik doxturxanining jiddiy qutquzush bölümide dawalanmaqta.