Uyghur ayal xitay elchixanisigha botulka étip achchiqini chiqarghan

Ixtiyariy muxbirimiz pida'iy
2013-07-04
Élxet
Pikir
Share
Print

Xitay hökümitining muhim yerliride xizmet qilghanliqi seweblik siyasiy panahliqi ret qilin'ghan shahide xanim, charshenbe küni gollandiyede turushluq xitay bash konsulxanisigha eynek botulkilarni étip achchiqini chiqarghan.

Netijide, denhax sheherlik amanliq saqlash saqchiliri teripidin tutulup, nechche sa'et qamalghan. Saqchilar uning turushluq adrési we bashqa uchurlirini tizimliwalghandin kéyin, agahlandurush bérip qoyuwetken.

Igiligen ehwaldin melum bolushiche, shahide yarmuhemmet xanim bir yérim yil ilgiri ikki balisi we yoldishi bilen qoshulup gollandiyege panahliq tilep kelgen. Kelgendin kéyin bir qétim namayish pa'aliyetlirige qatnashqan.

Bu qétim ikki terjimanning qilmishi seweblik pursetke érishken köpligen iltijachilar qatarida, mezkurning yoldishi we ikki balisigha panahliq bérilgen bolsimu, özi ret qilin'ghan. Sewebi heqqide mezkurning bildürüshiche, gollandiye hökümiti shahide yarmuhemmet xanimning xitay hökümitining yuqiri derijilik alahide orunlirida uzun yil ishligenliki seweblik uninggha ishenmigen.

Ilgiri gollandiyede shuningdek siyasiy panahliq telipi ret qilin'ghan bir qanche kishimu, xitay konsulxanisi tash-tuxum qatarliq nersilerni étip achchiq chiqarghan we panahliqqa érishken idi. Emma, ularning köpinchisi panahliqqa ériship bolghandin kéyin, héchqandaq ishqa arilashmay xatirjem yashashqa kiriship ketken idi.

Shahide xanim bu heqte meydanini ipadilep, bundin kéyin pa'aliyetlerge aktip qatnishidighanliqini bildürdi.

Toluq bet