Уйғур елида йәнә аталмиш қанунсиз диний паалийәтләргә қарши 100 күнлүк зәрбә бериш һәрикити башланди

Радиомизниң игилишичә, уйғур елида мушу айниң 20 - күни аталмиш қанунсиз диний паалийәтләргә қарши 100күнлүк қаттиқ зәрбә бериш һәрикити башланған. Зәрбә бериш һәрикити давамида уйғир елиниң һәрқайси вилайәт, област вә наһийилиридә кишиләрниң диний әркинликини боғидиған вә кишилик һоқуқини дәпсәндә қилидиған түрлүк қаидә - түзүм җазалаш тәдбирлири йолға қоюлған.
Мухбиримиз шөһрәт һошур
2011.11.28

Буларниң ичидә хотәнниң қариқаш наһийилик йәр байлиқлири идариси, өз ишчи, хизмәтчилири вә уларниң аилә тавабатлирини, қоюқ диний түс беридиған кийим - кечәкләрни кәймәсликкә агаһландурған вә хилаплиқ қилғучиларға 1000йүәндин 3000йүәнгә қәдәр җәриманә қойидиғанлиқини уқтурған. Қәшқәр вилайитидики бир қисим йеза вә кәнтләрдә, аталмиш қанунсиз диний паалийәтләрни паш қилғучиларға 5 йүәндин 20 миң йүәнгә қәдәр мукапат бериш түзүмини йолға қойған. Шаяр наһийлик статистика идариси атизим йәни динсизлаштуруш тәрбийиси һәққидә сәпәрвәрлик йиғини ачқан. Йиғинда қанунсиз диний паалийәтниң 26 аламити шәрһиләп өтүлгән.

Дуня уйғур қурултийиниң баянатчиси дилшат ришит бүгүн бу һәқтә радиомизға баянат берип, хитай даирилириниң юқириқи қаидә вә тәдбирлирини “шәрқи түркистан вәзийитиниң һелиһәм җиддийликиниң бир ипадиси” дәп көрсәтти. У йәнә хитай һөкүмитини һакимийәт башқуруш җәһәттики иптидаийлиқи билән әйиблиди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.