Йеңишәһәр наһийисидин йәнә 150 нәпәр яш фуҗйәнгә йолға селинған

Қәшқәр йеңишәһәр наһийисидин йәнә 150 нәпәр яш фуҗйәнгә йолға селинған. Тәңритағ торида берилгән хәвәрдин қариғанда, бу яшлар қәшқәр йеңишәр наһийилик кәспий техника тәрбийиләш мәркизидә өткүзүлгән узутуш мурасими билән ичкиригә йолға селинған болуп, бу йил киргәндин буян 4 - түркүмдики яшларниң ичкиригә хизмәткә әвәтилиши икән.
Мухбиримиз ирадә
2009.05.14
Share on WhatsApp
Share on WhatsApp

Алдинқи үч түркүмдә җәмий 427 нәпәр яш хитай өлкилиригә йолланған болуп булар шәндуң, фуҗйән қатарлиқ өлкиләргә әвәтилгән.

Игилинишичә, уйғур дияри һөкүмити һазир бу хизмәтни ешинчи әмгәк күчлирини сиртқа йөткәп деһқанларниң киримини ашуруш дегән нам астида барғансери күчәйтип елип бериватқан болуп, бултур бу наһийидин 1500 дин артуқ яш ичкиригә йолланған.

Гәрчә хитай һөкүмити буниң деһқанларниң киримини ашуруп уларниң нәзәр даирисини кеңәйтиш дәп тәрипләватқан болсиму, чәтәлләрдики уйғур тәшкилатлири вә яврупа, америкидики кишилик һоқуқ тәшкилатлири буниң пиланлиқ вә мәқсәтлик һалда уйғур қиз - йигитлирини ичкиригә йөткәш арқилиқ елип бериливатқан етник бузғунчилиқ икәнликини илгири сүрмәктә вә буни хитайниң уйғурларни ассимилиятсийә қилип йоқитиш сияситиниң әң рәзил вә очуқ ‏ - ашкара бир усули дәп қаримақта.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.