Da'iriler 5-iyul mezgilide béyjingdiki Uyghur erzdarlirigha qaritilghan kontrolluqni kücheytti

Béyjingdiki Uyghur erzdarlarning radi'omizgha bildürüshiche, 5-iyul ürümchi weqesining 3 yilliq harpisi yéqinlashqan birnechche kündin buyan, béyjingdiki Uyghur erzdarlirigha qaritilghan kontrolluq barghanche kücheytilgen bolup, da'iriler Uyghur erzdarlirini béyjingdin öz yurtlirigha élip kétish üchün tutqun qilishni bashliwetken.
Muxbirimiz méhriban
2012.07.03

Erzdarlarning bildürüshiche, 1-iyul yekshenbe küni Uyghur erzdarlarni élip kétish üchün béyjinggha ewetilgen saqchi hem kadirlar, béyjingdiki erzdarlardin turapjan, ömerjan qatarliq 7 kishini tutup, ularni ayrim-ayrim halda béyjingdiki shinjang ish béjirish orni hem qeshqer ish béjirish ornigha nezerbend qilghan.

Igiligen uchurlardin melum bolushiche, birnechche kündin buyan béyjingdiki 20 nechche neper Uyghur erzdar ularni élip kétish üchün yurtliridin ewetilgen saqchi-kadirlarning ularni mejburiy halda élip kétishidin saqlinish üchün yoshurunup yürüshke mejbur bolmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.