Шәрқий түркистан алий кеңиши гуруппилар бойичә музакирә елип бармақта

Кеңәшниң пәйшәнбә күнидики музакирилири 7 хил тема бойичә гуруппиларға айрилған һалда елип бериливатқан болуп, буниңда уйғур сиясий һәрикитиниң кәлгүси нишани, яшлар һәрикитини күчләндүрүш, чәтәлләргә қечип чиққан уйғурларға ярдәм бериш механизми орнитиш қатарлиқ бир қатар муһим мәсилиләр йиғин вәкиллири тәрипидин музакирә қилинған.

Йиғинда 200 дин артуқ тәклипләр оттуриға чүшкән болуп, мухбиримизниң хәвәр қилишичә, йиғиндики музакириләрдә йәнә дуня уйғур қурултийиға яндаш бир тәшкилат қуруш, түрмигә соланған вә һаятидин айрилған паалийәтчиләрниң аилә-тавабиатлириға ярдәм бериш қатарлиқ пикирләрму оттуриға қоюлған болуп, бу пикир йиғин қатнашқучилири арисида қизғин муназирә пәйда қилған.

Шәрқий түркистан алий кеңиши елип берилған музакириләр нәтиҗисидә келишим һасил қилип, қарар чиқиридиған болуп, йиғинниң йепилиш күни болған җүмә күни қарарлар елан қилиниду. Алий кеңәш җүмә күни елип берилидиған йепилиш мурасими билән аяғлишиду.