ئالمۇتىدا ئەخمەت يەسەۋىنىڭ ھۆرمىتى ئۈچۈن چوڭ مەسچىت ياسالدى

فەرغانە ئۇچۇر تورىنىڭ يېزىشىچە، مەسچىتنى ئېچىش مۇراسىمى 6 - ئىيۇل ئۆتكۈزۈلگەن بولۇپ، بۇ كۈن ھەم قازاقىستان پرېزىدېنتى نۇرسۇلتان نازاربايېفنىڭ 72 ياشقا كىرگەن تۇغۇلغان كۈنى ئىكەن. مۇراسىمغا نازاربايېف ئۆزى قاتنىشىپ نۇتۇق سۆزلىگەن ھەمدە بۇ مەسچىتنىڭ ھەر مىللەت مۇسۇلمانلىرى ئۈچۈن ئورتاق ئىكەنلىكىنى ھەمدە ئۇلارنىڭ بىرلىكىنى تەشەببۇس قىلغان.

مەسچىتنىڭ مۇنارىسىنىڭ ئەڭ ئېگىزى 77 مېتىر بولۇپ، ئۇچ قەۋەت قىلىپ، ياسالغان، ئىگىلىگەن مەيدانى 17 مىڭ كىۋادرات مېتىردىن ئارتۇق بولۇپ، سىرتىدىكى ماشىنا قويۇش مەيدانلىرىغا 800 گە يېقىن ماشىنا قويغىلى بولىدىكەن. مەسچىت ئەڭ ئىلغار تېخنىكىلىق ئۈسكىنىلەرنى ئىشلىتىش، ئوتتىن مۇداپىئە كۆرۈش سىستېمىسى ۋە باشقا جەھەتلەردىن ئۆزگىچە ھېسابلىنىدۇ.

بۇنىڭدىن باشقا يەنە قازاقىستان پايتەختى ئاستانا شەھىرىگىمۇ مەركىزىي ئاسىيادىكى ئەڭ چوڭ مەسچىت ياسالماقتا ئىدى.