Алтай, или вилайәтлиридә йүз бәргән қар апитидә 20 адәм вә 100 миңдин артуқ чарва өлди

Бирләшмә агентлиқиниң бейҗиңдин баян қилишичә, алтай, или велайәтлиридә 59 йилдин кейин йүз бәргән дәһшәтлик қар - шиверғанда 20 адәм вә 100 миңдин артуқ мал - чарва өлди. Хәвәрниң тәпсилатида ейтилишичә, бу қетимқи апәттә 1 милйон 600 миң нопус зиянға учриди.
Мухбиримиз вәли
2010.01.27
Share on WhatsApp
Share on WhatsApp

Зәхмиләнгән өй сани 100 миңға йәтти, коктат өстүридиған 10 миң парник бузулди. Апәт җәрянида кесәлгә гериптар болған адәм сани 1300 дин ашти. Миңпав гезитиниң баян қилишичә, тәхминән омумий иқтисадий зиян 640 милйон юән.

Франсийә агентлиқиниң бүгүнки хәвиридә әскәртишичә, шинхуа агентлиқи 1‏ - айниң 1‏ - күнидин башлап хитайниң шимал вә ғәрб тәрәптики районлириға сберийиниң соғуқ еқими керип, бу районларниң темпраториси 60 йилдин буян көрүлүп бақмиған дәриҗидә төвәнләп апәт йүз бериватқанлиқи һәққидә хәвәр берип келиватсиму, әмма алтай, или велайәтлиридә йүз бәргән қар көчүштә зиянға учриған йәрлик хәлқниң әһвалини тәпсилий елан қилмайватқан иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.