Тәйвән: америкиниң тәйвән сияситидә чиң турудиғанлиқиға ишинимиз

Тәйвәнниң сабиқ муавин президенти лиң шюлйән бүгүн б б с'ға қилған сөзидә америка - хитай учришишидин кейин икки тәрәп елан қилған ортақ баянат тәйвән үчүн җиддий соал пәйда қилди деди.
Мухбиримиз ирадә
2009.11.19
Share on WhatsApp
Share on WhatsApp

Америка президенти барак обама баянатта қилған сөзидә, америкиниң хитайниң земин пүтүнлүкигә һөрмәт қилидиғанлиқини ипадә қилған иди. Лиң шюлйән обаманиң бу сөзини нәқил кәлтүрүп: "обама билән ху җинтавниң очуқ учришишида тәйвән мәсилсиниң күн тәртипкә кәлгәнлики хәвәр қилинған иди. Әмма икки тәрәп ортақ баянатидин хитай һөкүмитиниң аллиқачан америкини өзи тәрәпкә тартип кәткәнликини көрүвалғили болиду " деди вә һазирқи ма йиңҗу һөкүмитини өзини һәддидин зиядә хатирҗәм һес қилиш билән әйиблиди.

Әмма ма йиңҗю һөкүмити америка һөкүмитиниң тәйвән мәсилисидә бәргән вәдисидә туридиғанлиқини тәкитлиди.

Тәйвән ташқи ишлар министирлиқи түнүгүн бу һәқтә баянат берип, тәйвәнниң америка ташқи сияситиниң узун муддәтлик вә қәтий икәнликигә ишинидиғанлиқини ейтип: биз америкиниң бундин кейинму тәйвән сияситигә һөрмәт қилған асаста, тәйвәнгә өзини мудапиә қилидиған қоралларни сетип беришни давам қилидиғанлиқи вә тәйвән билән болған мунасивәтлирини күчәйтидиғанлиқиға қәтий ишинимиз деди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.