Ақсу вилайити парткоми нопус контрол қилиш тәдбирлирини күчәйтмәктә

Ақсу вилайитиниң мунасивәтлик тармақлири тәвәликидики туғулуш нисбитини 19 пирсәнт өпчөрисидә контрол қилип, мәзкур вилайәт нопусини икки милйон 300 миңдин ашурмаслиқ тоғрисида бәлгилимә чиқарған.
Мухбиримиз җүмә
2009-02-16
Share

Ақсу аманлиқ торида көрситилишичә, мәзкур вилайәт парткоми нопус контрол қилиш хизмитидики муһим нуқтини чөридигән асаста, пиланлиқ туғут хизмитидики "җазалашни асас қилиштин пайда йәткүзүшни мәркәз қилишқа өзгәртиштин ибарәт көп қатламлиқ хизмәт түзүлмиси бәрпа қилиш" тоғрисида көрсәтмиләрни бәргән.

Көрсәтмидә йәнә, вилайәт тәвәсидики һәр дәриҗилик пиланлиқ туғут тармақлири "асаси қатламдики қайта туғушқа тәстиқ селиш хизмитигә қаритилған назарәт қилиш вә башқуруш хизмитини күчәйтиш" керәклики қатарлиқлар оттуриға қоюлған.

Хәвәрдә ашкарилинишичә, ақсу вилайити йәнә нөвәттә бир милйон адәмниң асаси учурлирини топлап компютер архип амбири тори вә пиланлиқ туғут торлирини қуруп чиқиш үчүн тиришмақта икән.

Хитай һөкүмити туғут чәкләш хизмитини җәнубий уйғур елидики 3 вилайәтни мәркәз қилип күчәйтип елип бериватқан болуп, хитайниң уйғур елигә хитай көчмәнлирини йөткәп келиш қәдимини тизлитиш билән биргә, уйғурларниң нопусини һәр хил васитиләрни ишқа селип контрол қилип келиватқанлиқи дуня җамаәтчиликини шүбһиләндүрүп кәлмәктә иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт