Бан кимун: 2012-йил давалғушлар билән толған бир йил болди

Бүгүн бирләшкән дөләтләр тәшкилати баш секретари бан кимун 2012-йилини хуласиләш мунасивити билән мухбирларға бәргән баянатида, 2012-йилиниң дуня миқясида тоқунушлар көпәйгәнликини вә хәлқара қанунларниң дәпсәндә қилинғанлиқини билдүрди.
Мухбиримиз ирадә
2012-12-20
Share

Бан кимун сөзидә 2012-йилида гәрчә нурғун пурсәтләр барлиққа кәлгән болсиму, әмма туюқсиз мәйданға кәлгән вәқәликләр сәвәбидин узун муддәтлик пиланларниң ишқа ашмиғанлиқини, тоқунушларниң алдини елишқа, кишилик һоқуққа охшаш универсал уқумларниң тәрәққий қилишиға йетәрлик дәриҗидә әһмийәт берилмигәнликини етирап қилған.

У сүрийидики тоқунушлардин тартип, африқидики қораллиқ тәшкилатларғичә вә шималий корийигичә болған мәсилиләрдә хәлқарани һәмкарлишишқа чақириш билән биргә, асиядики дөләтлиридики йеңи алмашқан рәһбәрләрниң хәлқигә парағәт вә тинчлиқ бәрпа қилишини үмид қилидиғанлиқини билдүрди.

Бан кимун омумий җәһәттин алғанда 2012-йилини давалғушлар билән толған бир йил болғанлиқини билдүрди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт