Америка президенти обама асия башлиқлири учришишида җәнубий деңиздики араллар талаш-тартишини тинч һәл қилишни үмид қилди

Америка президенти барак обама 20-ноябир күни камбоджада ечиливатқан асия дөләтлири башлиқлири учришишида сөз қилип, райондики дөләтләрни җәнубий деңиздики араллар талаш-тартишини тинч йол билән һәл қилишқа чақирди.
Мухбиримиз меһрибан
2012-11-20
Елхәт
Пикир
Share
Принт

Б б с агентлиқиниң сәйшәнбә күнидики хәвиридин мәлум болушичә, америка президенти барак обама йиғин мәзгилидә японийә баш вәзири йошихико нода вә хитай баш министири вен җабавлар билән айрим-айрим учрашқан. Обама бу икки дөләт рәһбәрлири билән учрашқинида асия райониниң тинч вәзийитигә капаләтлик қилишни алаһидә тәкитлигән.

Хәвәрдин мәлум болушичә, обама японийә баш вәзири билән көрүшкинидә хитай билән японийә арисидики талаш-тартишқа сәвәб болуватқан синкако араллири мәсилисини тинч йол билән һәл қилишни тәкитләп, икки дөләт оттурисидики җиддий вәзийәтни пәсәйтишкә чақирған. Обама 20-ноябир күни америкиға қайтиш сәпиридин илгири хитай баш министири вен җабав билән көрүшкәндә, америка билән хитай оттурисидики сода һәмкарлиқини күчәйтишни тәкитләш билән биллә, хитайни җәнубий деңиздики араллар мәсилисини райондики һәрқайси дөләтләр билән ортақ музакирә қилиш арқилиқ һәл қилишқа чақирған.

Пикирләр (0)
Share
Толуқ бәт