بېيجىڭدا پارتلاش ۋەقەسى يۈز بەردى، بىر ئامېرىكىلىق يارىلاندى

پەيشەنبە كۈنى بېيجىڭنىڭ دۇڭ جىمىن رايونىدا پارتلاش يۈز بېرىپ، بىر ئامېرىكا پۇقراسى يارىلاندى. بىرلەشمە ئاگېنتلىقىنىڭ خەۋەر قىلىشىچە، ۋەقە بېيجىڭنىڭ دۇڭ جىمىن رايونىدىكى بىر سودا ساراي ئەتراپىدىكى يولدا چۈشتىن كېيىن سائەت 3: 20 مىنۇت ئۆتكەنلەردە مەيدانغا كەلگەن.
مۇخبىرىمىز ﺋﯩﺮﺍﺩﻩ
2010-10-21
Share

پارتلاش جەريانىدا يولدىن ئۆتۈپ كېتىۋاتقان بىر قىسىم پىيادىلەر يارىلانغان. ئۇلارنىڭ ئىچىدە 30 ياشلىق ئامېرىكىلىق ئوقۇغۇچىمۇ بار بولۇپ، پارتلاشتا ئۇنىڭ پۇتى يارىدار بولغان.

بېيجىڭ ساقچى دائىرىلىرى ۋەقەدە ھېچقانداق ماددى چىقىم كېلىپ چىقمىغانلىقىنى بىلدۈردى. ئەمما پارتلاشنىڭ مەيدانغا كېلىش سەۋەبى ھەققىدە ھازىرچە مەلۇمات بەرمىدى.

شىنخۇا تورىنىڭ خەۋەر قىلىشىچە، بيېجىڭ ساقچى دائىرىلىرى ۋەقە ئۈستىدە كەڭ كۆلەملىك تەكشۈرۈش باشلىغان. پارتلاش مەيدانغا كەلگەن رايون ساقچىلار تەرىپىدىن قامال قىلىنىپ، قاتناش توختىتىلغان.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت