Béyjingda partlash weqesi yüz berdi, bir amérikiliq yarilandi

Peyshenbe küni béyjingning dung jimin rayonida partlash yüz bérip, bir amérika puqrasi yarilandi. Birleshme agéntliqining xewer qilishiche, weqe béyjingning dung jimin rayonidiki bir soda saray etrapidiki yolda chüshtin kéyin sa'et 3: 20 minut ötkenlerde meydan'gha kelgen.
Muxbirimiz irade
2010-10-21
Élxet
Pikir
Share
Print

Partlash jeryanida yoldin ötüp kétiwatqan bir qisim piyadiler yarilan'ghan. Ularning ichide 30 yashliq amérikiliq oqughuchimu bar bolup, partlashta uning puti yaridar bolghan.

Béyjing saqchi da'iriliri weqede héchqandaq maddi chiqim kélip chiqmighanliqini bildürdi. Emma partlashning meydan'gha kélish sewebi heqqide hazirche melumat bermidi.

Shinxu'a torining xewer qilishiche, byéjing saqchi da'iriliri weqe üstide keng kölemlik tekshürüsh bashlighan. Partlash meydan'gha kelgen rayon saqchilar teripidin qamal qilinip, qatnash toxtitilghan.

Toluq bet