خىتاي مەركىزى تېلېۋىزىيىسىنىڭ چاغانلىق پروگراممىسى ئۇيغۇرلارنىڭ تەنقىد ۋە مەسخىرىسىگە ئۇچرىدى
مۇخبىرىمىز شۆھرەت ھوشۇر
2013.02.11
2013.02.11
ئۇيغۇربىز تورىنىڭ بۇ ھەقتىكى خەۋىرىدە بىلدۈرۈلۈشىچە، پروگراممىنىڭ مەزكۇر پارچىسى ئۇيغۇر كۆرۈرمەنلەر ئارىسىدا كۈچلۈك غۇلغۇلا قوزغىغان. بېزىلەر، ئۇيغۇرلاردا چاغان تەبرىكلەش ئادىتى يوقلۇقىنى، بولۇپمۇ بىر ئائىلە ئەزالىرىنىڭ بىرلىكتە ھاراق ئىچىش ئادىتى يوقلۇقىنى تىلغا ئېلىپ، خىتاي مەركىزى تېلېۋىزىيىسىنى ساختىپەزلىك بىلەن ئەيىبلىگەن.
بېزىلەر بولسا، خىتايدىكى ئاساسلىق بىر تېلېۋىزىيىنىڭ ئۇيغۇر خەلقىنىڭ ئەڭ ئەقەللىي ئادەتلىرىدىنمۇ خەۋەرسىزلىكىنى مەسخىرە قىلغان.
يەنە بېزىلەر بولسا خىتاي تەشۋىقات ئورگانلىرىنىڭ مانا مۇشۇنداق ساختا كۆرۈنۈشلەر ئارقىلىق خىتاي ئۆرپ-ئادەتلىرىنى ئۇيغۇرلارغا سىڭدۈرۈشكە ئۇرۇنۇۋاتقانلىقىنى تەنقىد قىلغان.