Чаңша вә чаңчүндә партлаш вәқәси йүз бәрди

29 - Июл күни хитайниң нәнҗиңдики бир завутта партлаш йүз берип 400 нәччә киши өлгәнлики хәвәр қилинған иди. Бүгүн йәнә чаңша вә чаңчүн шәһәрлиридә арқа - арқидин партлаш йүз берип, җәмий 3 киши өлгән вә 30 нәччә киши яридар болған.
Мухбиримиз шөһрәт һошур
2010.07.30

Шинхуа торида хәвәр қилинишичә, чаңша шәһиридики бир баҗ идарә хизмәт бинасиниң 3 - қәвитидә уштумтут партлаш йүз берип, 2 киши өлгән вә 10 нәччә киши яридар болған. Партлашта ишханиниң дәризилири вә кешәклири күкүм талқан болуп, 30 метир әтрапқичә чечилип кәткән. Чаңчүндики партлаш вәқәси бир һөсин түзәш орнида йүз берип 1 киши өлгән, 21 киши яридар болған. Даириләр чаңчүндики вәқә йүз бәргән мәйданға 12 от өчүрүш аптомобили вә 60 нәпәр от өчүрүш хадими әвәтип, 29 кишини хәтәрдин қутқузған.

Хәвәрдә баян қилинишичә һәр икки җайдики партлаш чүштин кейин саәт 4 әтрапида йүз бәргән вә партлаш авази әтрапта еғир вәһимә пәйда қилған. Хитай сақчилири вәқәниң сәвәбини тәкшүрүшни башлиған, лекин техи тәкшүрүшниң нәтиҗиси чиқмиған. 2008 - Йили уйғур елиниң куча шәһридиму зәнҗирсиман партлаш вәқәси йүз бәргән; вәқәдә хитайниң баҗ вә сақчи қатарлиқ һөкүмәт органлири асаслиқ һуҗум нишани болған. У вәқә хәлқара хәвәрләрдә өткүзүлүш алдидики бейҗиң олимпикиға қарши уйғурларниң наразилиқ инкаси дәп қаралған иди.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.