Чилидики йәр тәврәштә икки милйон адәм апәткә учриди

27 - Феврал күни йүз бәргән латин америкиси чили дөлитидики йәр тәврәштә икки милйон адәмниң апәткә учриғанлиқи һәм өлгәнләрниң саниниң 300 дин ашқанлиқи мәлум.
Мухбиримиз үмидвар
2010-02-28
Share

Б б с агентлиқиниң бу һәқтики хәвиридә көрситилишичә, бу қетимқи йәр тәврәшниң дәриҗиси 8.8 Бал болуп, чилиниң пайтәхти вә униң әтрапидики бир милйон 500 миң еғиз өй өрүлгән, нурғун қурулуш вә санаәт әслиһәлири вәйран болған. Електир вә алақә линийилири үзүлгән һәм су тохтиған болуп, бундақ әһвал астида өлгүчиләрниң саниниң барғансери ашидиғанлиқи пәрәз қилинмақта.

Чили янар тағ һадисилири вә йәр тәврәш даим йүз берип туридиған дөләт икән. Хәвәрдә ейтилишичә, бу қетимқи йәр тәврәштә түрмә тамлири өрүлүп чүшкәнлики үчүн 260 дин артуқ җинайәтчиниң түрмидин қечип кетиш вәқәсиму йүз бәргән икән.
 
Чилидики йәр тәврәштин кейин тинч окян бойидики дөләтләр деңиз долқунлириниң туюқсиз көтүрүлүш әһвалиға асасән, еғир деңиз борини вә ташқини йүз берип, вәйранчилиқ кәлтүрүп чиқириштин мудапиә көрүш һәққидә җиддий һаләт елан қилинған.

Хәвәрләрдә көрситилишичә, чили дуня бойичә әң көп мис ишләпчиқиридиған дөләт болуп, йәр тәврәш түпәйлидин мис канлири тохтиған. Бу әһвалниң дунядики мис баһасиға тәсир көрситиши мумкинлики пәрәз қилинмақта.

Нөвәттә, хәлқара миқясида чилидики йәр тәврәштә апәткә учриғанларға ярдәм бериш һәрикәтлири башланған.
 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт