Чошқа зуками һәққидики йеңи учурлар

Дуня сәһийә тәшкилатниң баян қилишичә, мекискида түнүгүнгә қәдәр чошқа зуками вируси билән юқумлинип өлгән адәм сани 159. Һазир йәнә 1300 бимар дохторханиларда давалиниватиду.
Мухбиримиз вәли
2009-04-29
Share

Франсийә агентлиқиниң баян қилишичә, бүгүн йәнә, чошқа зуками вируси билән юқумланғанлиқи ениқланған бимар сани, америкида 64, мекискида 26, канадада 13, әнгилийидә 5, испанийидә 4, германийидә 3, йеңи зелландийидә 3, костарикада 2, исраилийидә 3, австралийидә 1.

Мекискида партлап һазир пүтүн дуня меқясида тарқиливатқан бу хил чошқа зуками вируси чошқидинла әмәс, қушлардин юқидиған вә адәмдин - адәмгә юқидиған башқа хилдики зукамларниң вируси билән арилишип кәткән болғачқа, бир мунчә дөләтләр буни ениқлашқа тиришиватиду.

Уларниң мәлуматиға қариғанда, аргентинада чошқа зуками гумандарлири 3, австралийидә 91, чилида 8, колумбияда 9, данийидә 5, франсийидә 20, хоңкоңда 4, ерландийидә 3, полшада 3, португалийидә 1, җәнубий корийидә 6, шиветсийидә 5, шиветсарийидә 5 болуп, голландийидиму җиддий ениқлиниватиду.

Мекискида чошқа зуками партлиғандин кейин, чошқа гөши импорт қилишни тохтатқан дөләтләр хитай, русийә, бәһрәйн, кротия, иквадор, һиндонезийә, қазақистан, макидонийә, мантинегро, филипин, леван, серббйә, җәнубий корийә, тайланд, окраина, әрәб хәлипилики.

Мекискида партлиған чошқа зуками башқа зукамладин пәрқлиқ болғанлиқи вә чошқидин таралғанлиқи үчүн, бухил юқумлуқ зукамниң нами һазир пүтүн дуняда 'чошқа зуками' дәп аталмақта. Исралийә қанунида чошқа чәкләнгәнлики үчүн, уни 'мекиска зуками' дәп атаватиду.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт