Uyghur diyarida choshqa zukimi téz tarqalmaqta

Bügün Uyghur rayonluq sehiye nazariti yene ikki neper kishining choshqa zukimi bilen yuqumlan'ghanliqini élan qildi. Buning bilen Uyghur diyarida choshqa zukimi bilen yuqumlan'ghanlarning sani 50 ke yetti.
Muxbirimiz irade
2009.09.10
Share on WhatsApp
Share on WhatsApp

Shinxu'a toridin melum bolushiche, choshqa zukimi bilen yuqumlan'ghan 50 kishining 49 nepiri ürümchi sheherlik 70- ottura mektepning oqughuchiliri, bir nepiri bolsa mezkur mektepning oqutquchisi iken. Hazir bu bimarlarning késellik ehwalining turaqliq ikenliki bildürülmekte.

Ürümchi shehiride yene, késellik alametliri körülgen 12 neper kishi doxturxanigha élin'ghan bolup, ularning choshqa zukimi bilen yuqumlan'ghan ‏- yuqumlanmighanliqi tekshürülmekte iken.

Melum bolushiche, ürümchidiki sehiye tarmaqliri yuqumlan'ghuchilar bilen yéqindin alaqe qilghan 1518 kishi üstidin kilinikiliq tekshürüsh élip barghan. Ularning 122 nepiri doxturxanida karantin'gha élin'ghan.

Xitay da'iriliri ürümchide mekteplerde choshqa zukimining tarqilishi bilen 6 - sintebirdin bashlap ders toxtatqan bolup, bu mekteplerning qachan échilidighanliqi éniq uqturulmighan. Xewerlerdin melum bolushiche, ürümchide xitay da'iriliri herbiy halet yürgüzüsh bilen birlikte, ahalilerge barliq éhtimallargha qarshi 3 künlük ozuq - tülüklirini teyyarlap qoyushni uqturghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.