Хитайда чошқа зукими билән юқумланған бир киши өлди

Хитайда чошқа зукими вируси билән юқумланған бир киши өлди. 34 яшлиқ бу бимар җеҗяң өлкисниң хаңҗу шәһиридин болуп, у 6 - айниң 23 - күнидин итибарән H1N1 вируси билән юқумланғанлиқи үчүн дохтурханида йетип давалниватқан иди.
Мухбиримиз ирадә
2009-07-02
Share

Бу бимар 7 - айниң 1 - күни әтигән саәт 7 : 30 әтрапида дохтурханиниң тазилиқ өйидә өлүк һалда байқалған. Алақидар кишиләр өлгүчиниң дохтурханиға елип келингән бир һәптидин бери кесәллик әһвалиниң яхши икәнликини, гәрчә азрақ йөтилиш әһвали болсиму, бәдән темпратурисиниң изчил нормал болуп кәлгәнликини илгири сүрүшмәктә.

Һазир хитай җамаәт хәвпсизлик оргини вә сәһийә тармақлири бимарниң өлүш сәвәби үстидә тәкшүрүш елип бериватқан болуп, сәһийә тармақлири бу кишиниң өлүмигә чошқа зукими вирусиниң сәвәб болмиғанлиқини илгири сүрмәктә.

Б б с дин мәлум болушичә, бейҗиңниң чавяң районидики бир башланғуч мәктәпниң оқуғучилирида колликтип һалда вирус билән юқумлиниш әһвали көрүлгән. Бу мәктәптә 16 балида қизиш аламәтлири көрүлгән болуп, һазирғичә буларниң ичидин 7 нәпириниң мәзкур вирус билән юқумланғанлиқи ениқ болди. Қалғанлири давамлиқ тәкшүрүлмәктә. Бу қетимқи вәқә хитайда тунҗи қетим колликтип юқумлиниш вәқәсиниң йүз бериши болуп, сәйшәнбә күни мәктәп тақилип, юқумланған балилар вә улар билән учрашқанлар карантинға елинған.

Хитайда H1N1 вируси билән юқумланғанғучиларниң сани һазирғичә 867 нәпәр, хоңкоңда 785 нәпәр дәп елан қилинди. Бүгүнгичә дуняда бу вирус билән юқумланғучиларниң сани 70 миңға йәткән болуп, буниң ичидә өлгәнләрниң сани 311 нәпәр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт