دالاي لاما: خىتاي ياشلىرى تىبەت بۇددىزمىنىڭ ئەخلاقى نىزاملىرىغا موھتاج

كانادادا زىيارەتتە بولغان تىبەت روھانىي داھىيسى دالاي لاما يەكشەنبە كۈنى، مىڭلىغان، مىليونلىغان خىتاي ياشلىرىنىڭ تىبەت بۇددىزمىنىڭ ئەخلاقى نىزاملىرىغا موھتاج ئىكەنلىكىنى ئىلگىرى سۈرگەن.
ﻣﯘﺧﺒﯩﺮﯨﻤﯩﺰ ﺟﯜﻣﻪ
2010-10-25
Share

"يەرشارى مەكتۇپلىرى" گېزىتىدە نەقىل قىلىشىچە، دالاي لاما خىتاي ياشلىرى ھەققىدە توختىلىپ مۇنداق دېگەن: " ئۇلار كۈندىن - كۈنگە باي بولۇۋاتىدۇ. ئەمما، ئۇلارنىڭ ئىچى قۇرۇق."

دالاي لاما بۇ يىللىق نوبېل تىنچلىق مۇكاپاتىنىڭ ليۇ شاۋبوغا بېرىلگەنلىكى ھەققىدە توختىلىپ، بۇنىڭ يىراقنى كۆزلىگەندە خىتايدا دېموكراتىيىنى ئىلگىرى سۈرۈشكە تۈرتكە بولىدىغانلىقىنى، ئەمما قىسقا مۇددەتلىك ئۈنۈمىگە بىرنەرسە دېيەلمەيدىغانلىقىنى بىلدۈرگەن.

دالاي لاما يەنە، خىتاي ھۆكۈمىتىنىڭ ئۇچۇر ۋاسىتىلىرىگە قاراتقان باستۇرۇش سىياسىتىنى ئەيىبلىگەن. ئۇ مۇنداق دېگەن: " خىتاي كوممۇنىست پارتىيىسى خەۋپسىرەش تۇيغۇسىدىن كېلىپ چىققان ئىچىدىكى ئاجىزلىقىنى يوشۇرۇش ئۈچۈن، خەۋەر - ئاخباراتلارنى باستۇرۇشتىن ئىبارەت ئاسان يولنى تاللىۋالغان."

دالاي لاما ئۆتكەن جۈمە كۈنىدىن باشلاپ كانادادا 3 كۈنلۈك زىيارەتتە بولغان ئىدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت