Саркозийниң далай лама билән көрүшүш пилани хитайниң ғәзипини қозғиди

Франсийә президенти николас саркозийниң келәр ай полша зияритида тибәт роһани даһиси далай лама билән көрүшидиғанлиқи елан қилинғандин кейин, хитай һөкүмити җүмә күни баянат елан қилип, саркозий далай лама билән көрүшсә хитай - франсийә мунасивитигә зиян йетидиғанлиқини агаһландурди.
Мухбиримиз әркин
2008.11.14
Share on WhatsApp
Share on WhatsApp

Хитай ташқи ишлар министири чин гаң җүмә күни елан қилған бу һәқтики баянатида " биз чәтәл рәһбәрлириниң далай лама билән һәр қандақ шәкилдә учришишиға қарши туримиз " дәп тәкитлигән. У йәнә " биз франсийиниң омуми вәзийәтни нәзәрдә тутушини .... Җуңгониң әндишилиригә диққәт қилишни, бу түрдики мәсилиләрни тоғра бир тәрәп қилип, җуңго - франсийә, җуңго - явропа мунасивитини илгири сүрүшини тәләп қилимиз" дегән.

Лекин франсийә ташқи ишлар министири бернард кочинер шу күни хитай даирилириниң әгәр саркозий далай лама билән көрүшсә, хитай - франсийә мунасивитигә зиян йетиду, дегән агаһландурушини рәт қилди. Өзиниң далай лама билән 20 қетим учрашқанлиқини тәкитлигән кочинер, " бу мәсилә әмәс" дәп қарайдиғанлиқини билдүрди.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт