Далай лама келәр йили 3 ‏-айда тибәт сүргүндә һөкүмитидикивәзиписидин истипа бәрмәкчи

Бүгүн тибәт диний даһиси далай ламаниң баянатчиси, далай ламаниң келәр йили 3 ‏-айда өткүзилидиған тибәт сүргүндә һөкүмитиниң парламент йиғинида, өзиниң һөкүмәттики йетәкчилик вәзиписидин истипа бериш тәклипини оттуриға қойидиғанлиқини билдүргән
Шөһрәт һошур
2010-11-23
Share

Баянатчи тәнзин тәлһа сөзидә, далай ламаниң истипаси һәққидики ахирқи қарарни сүргәндә һөкүмәт парламентиниң беридиғанлиқини билдүрүш билән биллә, әгәр далай ламаниң истипа тәлипи қобул қилинған тәқдирдиму, униң тибәт сиясий һәрикитидики ролиниң ахирлашмайдиғанлиқини, пәқәт паалийәт даириси, хизмәт миқдарида бәлгилик дәриҗидә кичикләш болидиғанлиқини билдүргән.

 Далай лама тибәт миллий һәрикитидә тинчлиқчи шәкил, мөтидил позитсийә вә оттура йол тәшәббуси билән өзиниң йетәкчилик методиға хаслиқ қазандурған. Тибәт яшлар тәшкилати болса, узул-кесил мустәқиллиқ тәләп қилиш, нөвити кәлгәндә зораванлиқ қоллиништин чекинмәслик қатарлиқ қәтий тәшәббуслири билән тибәт миллий һәрикитиниң йәнә бир пәрқлиқ қанитини шәкилләндүргән. Шуңа көзәткүчиләр, далай лама истипа бәрсә, тибәт миллий һәрикитидики үзүл-кесил мустәқилчи қанатниң күчлиниш вә бу сәвәблик хитайниң тибәт мәсилисидики баш ағриқи техиму күчийиш еһтималлиқини пәрәз қилишмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт