Dunya Uyghur qurultiyi xitayning 30-qétimliq milletler ittipaqliqi éyi chaqiriqini tenqid qildi

5-Ay, Uyghur rayonida milletler ittipaqliqi éyi qilip békitilginige 30 yil boldi. Uyghur rayonluq partkom milletler ittipaqliqi éyi terbiyisining 30 yilliqi munasiwiti bilen 26-aprél küni yene bir uqturush chiqirip bir qatar orunlashturushlarni élip barghan.
Muxbirimiz shöhret hoshur
2012.04.30

Orunlashturulghan pa'aliyet we chaqiriqlar arisida, léy fingdin öginish, 3 ayrilalmasliq dégen'ge oxshash 30 yildin béri köpiyip méngiwatqan sho'arlar zenjiri yene tekitlen'gen؛ emma 5-iyul weqesige oxshash ikki millet munasiwitige a'it zor weqeler heqqide héchnerse déyilmigen.

Uyghur közetküchilerning qarishiche, milletler ittipaqliqi éyi pa'aliyiti bashlan'ghandin buyan rayonda milliy qarshiliq heriketliri hessilep küchiyip barghan. Barin inqilabi, ghulja weqesi, 5-iyul weqesi buning tipik örnekliri bolsa, xoten, qeshqer, qaghiliq we korla weqeliri bu weziyetning eng yéqinqi misalliridur.

Bügün dunya Uyghur qurultiyi bayanatchisi dilshat rishit radi'omizgha bu heqte bayanat bérip, xitay hökümitini, milletler ittipaqliqi terbiyisidin ibaret aqmas tedbiridin waz kéchishige, buning ornigha rayonning ré'al mesililirini xelqning heqiqiy wekilliri bilen sözlishishke jasaret qilishqa chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.