Дуня уйғур қурултийиниң сайлими өткүзүлди

Мухбиримизниң хәвәр қилишичә, америка пайтәхти вашигитон шәһири йенидики "һәят " меһманханисида өткүзүлүватқан дуня уйғур қурултийиниң йиғини үчинчи күнгә қәдәм қоюп, 23 - май күни чүштин кейин дуняниң һәрқайси дөләтлиридин кәлгән 120 әтрапида вәкилниң қатнишиши вә демократик усул билән аваз бериши нәтиҗисидә дуня уйғур қурултийиниң йеңи рәһбәрлик оргини сайлап чиқилди һәмдә қурултай низамнамисиға бәзи түзитишләр киргүзүлди.
Мухбиримиз үмидвар
2009-05-24
Share

Уйғур миллий һәрикитиниң рәһбири рабийә қадир ханим дуня уйғур қурултийи рәисликигә толуқ аваз билән сайлап чиқилди.

Булардин башқа йәнә муавин рәис, баш катип вә униң муавинлири, ички ишлар, фонд, нәшриятчилиқ қатарлиқ һәр қайси саһәләрниң йеңи мәсуллириму сайлам билән бекитилди.

Дуня уйғур қурултийиниң ечилиш мурасими 21 - май күни америка дөләт мәҗлисиниң залида өткүзүлгән болуп, бу мурасимға америка дөләт мәҗлиси әзалири, америкиниң бир қисим органлириниң хадимлири қатнишип, нутуқ сөзлигән һәмдә уйғурларниң демократик, кишилик һоқуқ һәрикәтлиригә болған һесдашлиқи һәм қоллишини изһар қилған иди.
Дуня уйғур қурултийиниң 3 - нөвәтлик қурултийи 5 - айниң 25 - куни йепилиш мурасими билән америка пайтәхти вашингтонда ахирлашмақчи.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт