Dunya Uyghur qurultiyining yighini resmiy muzakire basquchigha kirdi

Amérika paytexti washin'gtonda chaqirilghan merkizi gérmaniyidiki dunya Uyghur qurultiyining 3 - nöwetlik qurultiyi jüme kündin bashlap, resmiy muzakire basquchigha kirdi. Shu küni her qaysi ellerdin kelgen wekiller wirjiniye shtatining xérindon nahiyisidiki bir méhmanxanida toplinip, wekillerning teklip pikirini muzakire qilishqa bashlidi.
Muxbirimiz erkin
2009.05.22

Bu qétimqi qurultay dunya Uyghur qurultiyi tarixidiki eng muhim yighinlarning biri bolup, amérikida chaqirilghan tunji zor kölemlik yighilishlarning biridur. Dunya Uyghur qurultiyi re'isi rabiye qadir xanim, peyshenbe küni qurultayning amérika dölet mejlis binasidiki échilish murasimida muxbirimizgha, bu qétimqi qurultayda "sherqiy türkistan dawasining kélechikige munasiwetlik nigizlik mesililerning muzakirige qoyulidighanliqi we wekillerning pikiri élinidighanliqi," ni bildürdi.

Qurultayning échilish murasimi peyshenbe küni ötküzülgen, shu köni wekiller xitayning washin'gtondiki elchixanisi aldida namayish qilip, küch körsetken idi. Qurultay yekshenbe künige qeder dawam qilishi we qurultayning axirida axbarat élan qilishi mumkin. Anglitishimiz dawamida qurultayning bügünki küntertipige a'it tepsiliy melumatlarda bolimiz.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.