ئۇيغۇر ئېلىدە ئېغىز - تۇياق ياللۇغى بىر قەدەر تىز دەرىجىدە تارقىلىشقا باشلىغان

بۇ يىل 4 - ئايدىن باشلاپ ئۇيغۇر ئېلىدە ئېغىز - تۇياق ياللۇغى بىر قەدەر تىز دەرىجىدە تارقىلىشقا باشلىغان. "خىتاي خەۋەرلەر تورى" دا كۆرسىتىشىچە، مەزكۇر كېسەل بىلەن يۇقۇملانغۇچىلار بۇ يىل 4 - ئاينىڭ كېيىنكى يېرىمىدىن ھازىرغىچە بولغان بىر ئاي جەريانىدا 383 كە يەتكەن ۋە بىر ئادەم ئۆلگەن. ئۈرۈمچى يۇقۇملىنىش نىسبىتى جەھەتتە بىرىنچى ئورۇنغا ئۆتكەن.
ﻣﯘﺧﺒﯩﺮﯨﻤﯩﺰ ﺟﯘﻣﻪ
2010.05.15

خەۋەردە كۆرسىتىشىچە، ئېغىز - تۇياق ياللۇغى 5 - ئاي كىرگەندىن بۇيان ئەڭ تىز تارالغان بولۇپ، مەزكۇر كېسەللىكتە يۇقۇملانغۇچىلار ئۇيغۇر ئېلىنىڭ 14 ۋىلايەت - ئوبلاستىدا ئورتاق كۆرۈنگەن. يۇقۇملىنىش 6 ياشتىن تۆۋەن بالىلاردا ئەڭ ئېغىر بولۇپ، بۇ ياشتىكى بالىلارنىڭ يۇقۇملىنىش نىسبىتى 92.5 پىرسەنتكە يەتكەن.

نۆۋەتتە يەرلىك ھۆكۈمەت دائىرىلىرى مەكتەپ ۋە يەسلىلەردە دېزىنفېكسىيە قىلىش ۋە ئالدىنى ئېلىش ئىشلىرىنى باشلىغان.

ئېغىز - تۇياق يۇقۇملۇق كېسەللىكى خىتايدا بىر قەدەر كوپ ئۇچرايدۇ. خەۋەرلەرگە قارىغاندا خىتاي سەھىيە مىنىستىرلىقى ئاخبارات ئېلان قىلىپ، بۇ يىل 7 - مايغىچە خىتايدا 430 مىڭ بالىنىڭ مەزكۇر كېسەللىك بىلەن يۇقۇملانغانلىقى، بۇلارنىڭ ئىچىدە 260 نەپىرىنىڭ ئۆلۈپ كەتكەنلىكىنى بىلدۈرگەن.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.