Хитай мәтбуатлирида һөкүмәт әмәлдарлириниң мүлкини ашкарилаш тәшәббус қилинди

Хитайниң һөкүмәт мәтбуати “хәлқ гезити” қармиқидики “йәр шари вақти” гезити 13-ноябир сәйшәнбә күни баш мақалә елан қилип, һөкүмәт әмәлдарлириниң мүлкини ашкарилашни тәшәббус қилди.
Мухбиримиз меһрибан
2012.11.13

Мақалидә бир қисим тәшәббуслар оттуриға қоюлуп, әгәр һөкүмәт әмәлдарлириниң мал-мүлкини тизимлап авамға ашкарилаш түзүми омумлаштурулса, һөкүмәт әмәлдарлириниң хизмәт қулайлиқидин пайдилинип хиянәт қилишиниң, парихорлуқ вә чирикликниң әвҗ елишини контрол қилғили болидиғанлиқи тәкитлинип, буниң хитайда тарихи характерлик илгириләш елип келиши мумкинлики оттуриға қоюлған.

Мақалидә гуаңдуңниң партком секретари ваң яң, шаңхәй шәһириниң партком секретари йү шең қатарлиқларниң әмәлдарларниң мүлкини тизимлап, авамға ашкарилаш тәшәббусини қоллап ипадә билдүргәнликим,лекин йәнә “бәзи әмәлдарлар” ниң бу түзүмниң йолға қоюлушиға қаттиқ қаршилиқ қиливатқанлиқи оттуриға қоюлған. Әмма мақалидә бу “бәзи әмәлдарлар”ниң кимлики һәққидә һечқандақ ениқлима берилмигән.

Хитайдики әмәлдарларниң парихорлуқ вә чириклик мәсилиси хитай пуқралириниң наразилиқи әң күчлүк мәсилиләрниң бири. Б б с агентлиқини өз ичигә ғәрб мәтбуатлириниң 9-ноябир күнидики хәвәрлиридә хитай рәиси ху җинтавниң 18-қурултайда бәргән хизмәт доклатида, “әмәлдарларниң мүлкини ашкарилаш” темисидин чәтнигәнликиниң хитай тордашлириниң наразилиқини қозғиғанлиқи оттуриға қоюлған.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.