Австралийиниң бризбан шәһиригә җайлашқан хитай тилдики 'улуғ ера' гезитханисиға қаритип оқ етилған

Пәйшәнбә күни австралийиниң бризбан шәһиригә җайлашқан хитай тилдики "улуғ ера" гезитханисиға қаритип оқ етилған. Франсийә агентлиқида көрситишичә, оқ атқучиларниң хитай миллитидин икәнлики илгири сүрүлгән.
Мухбиримиз җумә
2010-10-30
Share

Хәвәрдә нәқил қилишичә, гезитниң баянатчиси маргерит рамсайә, оқ атқучилар оқни машинисида туруп етипла, машинисини һәйдәп қечип кәткәнликини, оқ гезитхана деризисигә тегип, оқ зәрбисидә әйнәккә чак кәткәнликини билдүргән.

Мәлум болушичә, "улуғ ера" гезити хитайдики фалунгуңчилар үстидин елип берилған адәмниң ички әзалири әткәсчилики һәққидә мақалә язған канадалиқ кишилик һоқуқ адвокати вә нобел тинчлиқ мукапати намзати давид матасқа саһибханилиқ қилған икән.

Рамсай ханимниң билдүрүшичә, мәзкур һуҗум, австралийидә зиярәттә болған давид матасни зиярәт қилиш вә күтүш паалийәтлири билән мунасивәтлик болған болуши мумкин икән. Рамсай ханим буниң пәқәт бир пәрәз икәнликиниму қошумчә қилған.

"Улуғ ера" гезити чәтәлдә чиқидиған һәмдә оқурмәнлири бир қәдәр көп хитай тилдики гезитләрниң бири. Гезит, хитайдики кишилик һоқуқ дәпсәндичилики вә хитай коммунист һөкүмитини очуқ ашкара тәнқид қилидиған мақалиләрни көпләп елан қилиду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт