Awstraliyining brizban shehirige jaylashqan xitay tildiki 'ulugh éra' gézitxanisigha qaritip oq étilghan

Peyshenbe küni awstraliyining brizban shehirige jaylashqan xitay tildiki "ulugh éra" gézitxanisigha qaritip oq étilghan. Fransiye agéntliqida körsitishiche, oq atquchilarning xitay millitidin ikenliki ilgiri sürülgen.
Muxbirimiz jume
2010.10.30
Share on WhatsApp
Share on WhatsApp

Xewerde neqil qilishiche, gézitning bayanatchisi margérit ramsaye, oq atquchilar oqni mashinisida turup étipla, mashinisini heydep qéchip ketkenlikini, oq gézitxana dérizisige tégip, oq zerbiside eynekke chak ketkenlikini bildürgen.

Melum bolushiche, "ulugh éra" géziti xitaydiki falun'gungchilar üstidin élip bérilghan ademning ichki ezaliri etkeschiliki heqqide maqale yazghan kanadaliq kishilik hoquq adwokati we nobél tinchliq mukapati namzati dawid matasqa sahibxaniliq qilghan iken.

Ramsay xanimning bildürüshiche, mezkur hujum, awstraliyide ziyarette bolghan dawid matasni ziyaret qilish we kütüsh pa'aliyetliri bilen munasiwetlik bolghan bolushi mumkin iken. Ramsay xanim buning peqet bir perez ikenlikinimu qoshumche qilghan.

"Ulugh éra" géziti chet'elde chiqidighan hemde oqurmenliri bir qeder köp xitay tildiki gézitlerning biri. Gézit, xitaydiki kishilik hoquq depsendichiliki we xitay kommunist hökümitini ochuq ashkara tenqid qilidighan maqalilerni köplep élan qilidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.