Гүәнтанамодики тутқунлардин 47 нәпәр киши 'қәрәлсиз тутуп турулидиған' кишиләр дейилди

Бу америка даириләрниң тунҗи қетим сот мәһкимисидә сотланмай "қәрәлсиз тутуп турулидиған кишиләр"ниң конкрет сани тоғрисида мәлумат елан қилишидур.
 
Америка һөкүмитидики даириләрниң ашкарилишичә, гүәнтанамо хизмәт гурупписи йәнә лагирдики 35 нәпәр тутқунни сот мәһкимиси сотлаш яки һәрбий коллигийидә җазалаш тәклипи берип, тутқунларниң ичидики 110 нәпәр кишиниң илгири ‏- кейин қоюп беришкә тигишлик кишиләр икәнликини тәкитлигән. Гуәнтанамодики тутқунларға даир бу хәвәр президент обама өткән йили дәл мушу күни баянат елан қилип, гүәнтанамони бир йил ичидә тақайдиғанлиқини елан қилған күнгә тоғра кәлгән иди.

Президент обаманиң гүәнтанамони тақаш пиланиниң вақит қәрәли тошқан болсиму, лекин лагир һазирға қәдәр тақалмиди. Америкиниң қоюп берилишкә тегишлик кишиләр тизимликидики 22 уйғурниң 7 нәпири һазирға қәдәр лагирда яшаватиду.

Даириләр, "қәрәлсиз тутуп турулидиған" бу 47 нәпәр киши қоюп бәрсә наһайити хәтәрлик, лекин җазалай десә пакит вә мадди испат йетәрсиз икәнликини, уларниң ипадиси(иқрарнамиси) мәҗбур елинғанлиқини, шу түпәйли уларни сотлиғили болмайдиғанлиқини билдүргән.

Америка дөләт мәҗлисиниң позитсийиси болса, сотлинидиған тутқунларни америкиға йөткәшкә сүкүт қилиштур. Көзәткүчиләр, "қәрәлсиз тутуп турулидиған" тутқунларни қандақ бир тәрәп қилиш бир мәсилә болуп қалғанлиқини билдүрмәктә.
 

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар