Хитайда ишләнгән һава ястуқи америкида мәсилә туғдурди

Өткән 3 йил җәрянида аптомобиллириниң бихәтәрлик һава ястуқини (һава халтиси дәпму атилиду) алмаштурған америкилиқ херидарларниң хитайда ишләнгән сахта мәһсулат ишлитип қалғанлиқи илгири сүрүлмәктә.
Мухбиримиз җүмә
2012.10.10

Обама һөкүмити 10-өктәбир бу һәқтә бир агаһландуруш елан қилиш алдида турмақта.

Мәлум болушичә, өткән үч йил мабәйнидә америкида алмаштурулған бир қисим һава ястуқлирида бихәтәрлик мәсилиси көрүнгән. Машина һадисигә йолуққанда бу хилдики һава ястуқлири яки ечилмиған яки чала ечилған.

Һәтта бәзи һалларда һава ястуқи ечилсиму, ялтирақ вә башқа қетишма материял парчилири ястуққа қошулуп етилип чиққан.

Америка ташйол вә қатнаш бихәтәрликини башқуруш идарисидики бир хадимниң билдүрүшичә, мәзкур мәсилини тәкшүргүчиләр “бу хил һава ястуқлириниң көпинчилири хитайда ешилгән” дәп қарайдикән.

Бу хил сахта һава ястуқлири херидарларниң бихәтәрликигә еғир тәһдит туғдурған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.