ھايتى ھۆكۈمىتى يېڭىدىن ئېلان قىلغان سانلىق مەلۇماتلارغا قارىغاندا، يەر تەۋرەشتە ئۆلگەن ئادەم سانى 200 مىڭغا يېتىشى مۇمكىن ئىكەن

ھايتى ھۆكۈمىتى يېڭىدىن ئېلان قىلغان سانلىق مەلۇماتلارغا قارىغاندا، بۇ نۆۋەت ھايتىدا يۈز بەرگەن يەر تەۋرەش ئاپىتىدە ئۆلگەن ئادەم سانى 200 مىڭغا يېتىشى مۇمكىن ئىكەن.
ﻣﯘﺧﺒﯩﺮﯨﻤﯩﺰ ﺟﯜﻣﻪ
2010-01-16
Share

12 - يانۋار، كارىب دېڭىزىدىكى دۆلەت ھايتى جۇمھۇرىيىتىدە 7 بالدىن دىن يۇقىرى يەر تەۋرەش يۈز بېرىپ، نۇرغۇن ئادەم ئۆي ماكانسىز قالغاننىڭ ئۈستىگە، دەسلەپتە 50 مىڭدىن ئارتۇق ئادەمنىڭ ھاياتىدىن ئايرىلغانلىقى ئىلگىرى سۈرۈلگەن ئىدى.

خەلقئارا جەمئىيەت ھايتى ھۆكۈمىتىگە جىددىي ياردەم بېرىدىغانلىقىنى ئىلگىرى سۈرگەن ۋە بىر قىسىم دۆلەتلەر ئاللىقاچان ھايتىغا ياردەم ئەسلىھەلىرى ۋە قۇتقۇزۇش ئەترەتلىرىنى ئەۋەتىپ قۇتقۇزۇش خىزمىتىنى باشلىۋەتكەن ئىدى. ئەمما ھايتىدا بۇ نۆۋەت ئاپەتكە ئۇچرىغان ئادەم ئىنتايىن كوپ بولغاچقا، ئارىدىن 4 كۈن ئۆتكەن بولسىمۇ، ئاپەتكە ئۇچرىغان خەلق تېگىشلىك ياردەمگە ئېرىشەلمىگەن بولغاچقا نۆۋەتتە ھايتى جەمئىيىتىدە جىددىيلىك كېلىپ چىققان.

ئامېرىكا تاشقا ئىشلار مىنىستىرى ھىلارىي كلىنتون خانىم شەنبە كۈنى، ھايتى پايتەختى پورت ئائۇ پرىنسې شەھىرىگە بارىدىغانلىقىنى جاكارلىدى.

مەلۇم بولۇشىچە ئۇ ئولتۇرغان ئايروپىلانغا ئامېرىكا ھايتىغا بەرگەن ياردەم ئەسلىھەلىرى قاچىلانغان بولۇپ، ئۇ قايتىشىدا مەزكۇر ئايروپىلانغا ھايتىغا قاپسىلىپ قالغان ئامېرىكا پۇقرالىرىنى بېسىپ قايتىدىكەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت