Уйғур елида 16 нәпәр чәтәллик хроин әткәсчилики билән қолға елинған

Хитай мәтбуатлири, хитай сақчи даирилириниң өткән йили уйғур елидә көпинчиси оттура асия дөләтлири тәвәликидин болған 16 чәтәлликни хроин әткәсчилик делоси билән қолға алғанлиқини ашкарилиди.
Мухбиримиз әқидә
2009-01-29
Share

Франсийә агентлиқиниң хәвәр қилишичә, хитай сақчилири бу бир йил ичидә 25 қетимлиқ хроин әткәсчилик делосини паш қилған вә 96 килограм хроинни қолға чүшүргән болуп, бу сан өткән йилдикидин 2 һәссә көп болуп һесаблинидикән.

Хәвәрдә ейтилишичә, қолға чүшүрүлгән бу хроинниң асаслиқ қисми, алтун һилал дәп аталған иран,афғанистанниң тағлиқ районида ясилип тарқалған болуп, гәрчә хитайда хроин әткәсчилики билән шуғулланғучиларниң өлүм җазаси билән җазалинидиғанлиқи бәлгиләнгән болсиму, әмма хроин әткәсчилики изчил давамлашмақта.

Хроин әткәсчилири уйғур елигә хроин киргүзүштә, хроинни пластик дора қутилириға қачилаш, юң гиләмләрниң арисиға тоқуп өткүзүш усулини қолланған. Үрүмчи айропилан истансисида қолға чүшүрүлгән 48 килограм хроин юң гиләмниң арисидин тепилған.

Гәрчә хитай һөкүмити "уйғур террорчилири һәрбий вә сақчи қисимлириға һуҗум қозғиди" дегән баһанә билән чегра районлири шуниңдәк қатнаш тугунлиридә бихәтәрлик тәдбирлирини алаһидә күчәйткән болсиму, әмма чәтәлликләрниң уйғурлар яшаватқан бу районда елип бериватқан хроин содиси әвҗ алмақта.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт