Hindistan xitayning gwadar portidiki roligha diqqet qilidighanliqini bildürdi

Hindistan dölet mudapi'e ministiri yuqiriqi pikirni charshenbe küni muxbirlarning so'allirigha jawab bergende otturigha quydi.

Gwadar porti eslidiki bashqurghuchi sin'gapor shirkitidin ötküzüwélinip, ötken hepte xitayning chet'ellerdiki portlarni bashqurush hessidarliq shirkitige ötküzüp bérilgen.

Roytérsta neqil qilishiche, bu heqte toxtalghan hindistandiki herbiy ishlar tetqiqatchisi jey ranade xitayning mezkur portni “Néfit yötkesh üchün ishlitimiz” dep körsitiwatqanliqini, emma xitayning bu portni déngiz armiyisi üchünmu ishlitishi mumkinlikini bildürgen.

U mundaq dégen: bu port xitayni mezkur rayon'gha herbiy yötkesh iqtidarigha ige qilidu.

Uning qarishiche, shu nuqtidin élip éytqanda bu portning xitay dölet igidarchiliqidiki bir shirketke ötküzüp bérilishi hindistan üchün sezgü mesile hésablinidiken.