Иран рәһбири ғәрбниң бесимиға тақабил туридиғанлиқини билдүрди

Иран ислам инқилабиниң 34 йиллиқи мунасивити билән иран пайтәхти теһранда өткүзүлгән хатириләш мурасимида сөз қилған иран ислам җумһурийитиниң президенти махмуд әхмәди ниҗат иранниң һәргизму ғәрбниң бесимиға баш әгмәйдиғанлиқини тәкитлигән.
Мухбиримиз үмидвар
2013.02.10
Share on WhatsApp
Share on WhatsApp


Америка авазиниң хәвәр қилишичә, әхмәди ниҗат сөзидә бесим астида һәргизму иранниң ядро мәсилиси һәққидә ғәрб билән сөһбәт өткүзмәйдиғанлиқини агаһландурған.

Иранниң ядро пилани изчил түрдә ғәрбниң қаршилиқиға учримақта.

Йәкшәнбә күни иранлиқлар 1979 - йили, һумәйни башчилиқидики исламий күчләрниң ғәрбпәрәс пәһләви һакимийитини ағдуруп, иран ислам һөкүмитини қурған хатирә күнидур.

Йәкшәнбә күни йәнә, йәмән һөкүмити иранниң қорал - ярақ басқан бир парахотини тохтитип қойған болуп, америка тәрәп йәмәнниң бу һәрикитини қоллиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.