Б д т иранниң ядро әслиһәсини тәкшүрүшни башлиди

Бирләшкән дөләтләр тәшкилатиниң ядро қораллирини тәкшүрүш хадимлири алдинқи айда һасил қилинған келишим бойичә иранниң уран тавлаш әслиһәлирини тәкшүрүшкә башлиған.
Мухбиримиз үмидвар
2009.10.25

Бу тәкшүрүшниң вақти үч күн болуп, б д т ниң төт кишилик мәхсус тәкшүрүш гурупписи йәкшәнбә күни ирандики көзлигән җайға йетип келип, хизмәтлирини башлиған.

Америка авазиниң хәвәр қилишичә, иран тәрәп мәзкур гуруппиниң иранниң қум шәһиридики ядро әслиһәлирини зиярәт қилғанлиқини хәвәр қилған. Иран тәрәпниң уран тавлаш пилани америка, германийә қатарлиқ әлләрниң қарши турушиға учриған болуп, иранниң мәхпий рәвиштә уран тавлиғанлиқи тәнқид қилинған һәмдә келишим бойичә иран б д т ниң тәкшүрүш елип беришиға қошулған иди.

Иранниң уран тавлаш мәсилисидә б д т бир йеңи лайиһә сунған болуп, буниңда иранниң уранлирини русийә тавлап бериш бәлгиләнгән иди. Бу лайиһигә, америка, русийә, франсийә қатарлиқ әлләрму қошулған. Әмма, һазирға қәдәр ирандин бу лайиһә һәққидә җаваб чиқмиған. Иран болса, өзлириниң уран пиланиниң тинчлиқ үчүн икәнликини тәкитлигән.

Шәнбә күни америка президенти обама, русийә президенти медведев һәм франсийә президенти қатарлиқлар телефон арқилиқ б д т ниң иранниң уран тавлаш пиланиға аит лайиһиси һәққидә музакирә елип барған иди. 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.