Rabiye xanim “5‏-Iyul weqesi” ni xitay Uyghurlargha qaratqan irqiy qirghinchiliq dep körsetti

Dunya Uyghur qurultiyi uchur merkizining bayan qilishiche, dunya Uyghur qurultiyi re'isi rabiye qadir xanim 6‏-ayning16-küni “Beshinchi iyul ürümchi weqesi” heqqide qilghan sözide, 2009‏-yili beshinchi iyul küni ürümchide yüz bergen weqe xitay hökümiti Uyghurlargha qarita shawgu'endin tartip ürümchigiche bir tutash yolgha qoyghan irqiy qirghinchiliq, dep körsetti.
Muxbirimiz weli
2012.06.18

Rabiye xanim sözide yene, shuningdin buyan xitay yene bu irqiy qirghinchiliqni “Ürümchi weqesining gumandarlirini qoghlap tutush” dégen nam bilen keng da'iride dawamlashturuwatidu, bu jeryanda qatillarni tutmay belki bigunah Uyghurlarni herxil bahane-seweb bilen tutqin qilish, basturushni dawamlashturuwatidu, xitay hazir irqiy qirghinchiliqni Uyghur ösmürlirige kéngeytti, 12 yashliq mirzahid amanullani qolgha élip türmige tashlap, qinap öltürgenliki buning tépik misali, dep körsetti.

Shundaqla, rabiye xanim wetendiki we chet'ellerde turuwatqan Uyghurlarni, xitay üch yildin buyan Uyghurlargha qarita dawamlashturuwatqan irqiy qirghinchiliqni pash qilip, dunyagha yéyishqa chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.