Хитайниң йүннән сақчилири җамаәт пикри бесими билән һәқсизлиққа учриған аялдин әпу сориди

Бу йил 8-сентәбир күни хитайниң сабиқ баш министири вен җябав йүннәнни зиярәт қилғанда, бир аял әрздар вен җябавниң машинисиниң алдини тосуп тизлинип олтуруп униңдин ярдәм сориған.
Мухбиримиз шөһрәт һошур
2012.11.23

Хитай сақчилири әрздар аялни аялни тутуп кетип 7 күн қамап қойған. Бу вәқә мушу айниң бешида хитай торбәтлиридә елан қилинғандин кейин җәмийәттә күчлүк ғулғула пәйда қилған. Буниң нәтиҗисидә йүннәнниң шавтоң шәһәрлик сақчи идариси алдинқи күни мәзкур әрздар аялдин әпу сориған вә униңға шу чағда қоюлған 1000 йүән җәриманини қайтуруп бәргән. Буниңға охшиған вәқә бурунму үрүмчидиму йүз бәргән болуп, әрздар айгүл тохти уйғур районлуқ хәлқ қурултийиниң рәиси әркин имирбақиниң машинисиниң алдини тосқанлиқи үчүн 10 күнлүк қамақ җазасиға учриған.

Айгүл тохтидин һазирға қәдәр һечким әпу соримиғанниң үстигә уни 18-қурултайниң алдида бейҗиңдин тутуп әкетип, пәйзават қамақханисиға солап қойған. Униң нөвәттики әһвали техичә аилисигә мәлум әмәс.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.