Кабулда партлаш йүз берип, 17 адәм өлди

Афғанистан сақчи даирилириниң ашкарилишичә, җүмә күни пайтәхт кабул шәһәр мәркизидики бир қанчә йәрдә өзини өлтүрүвелиш характерлик партлитиш вә қораллиқ һуҗум қилиш вәқәси йүз берип, аз дегәндә 17 адәм өлгән. Һиндистан мәтбуатлириниң хәвәрлиридә өлгәнләрниң 9 нәпириниң һиндистан пуқраси икәнликини илгири сүргән.
Мухбиримиз әркин
2010.02.26

Сақчилар, вәқәдә аз дегәндә 32 кишиниң яриланғанлиқини вә партлитиш вә қораллиқ һуҗум қилиш вәқәлириниң кабулдики 9 қәвәтлик бир сода базири вә чәтәлликләр чүшидиған икки меһманханида йүз бәргәнликини билдүргән.

Бу һәқтики хәвәрләрдә әскәртишичә, сақчилар һуҗум қилғучилардин гуманлиқ икки кишини етип ташлиған болуп, талибанлар кабулдики вәқәгә мәсул болидиғанлиқини вә 5 кишиниң һәрикәткә қатнашқанлиқини илгири сүргән.

Афғанистан президенти һамид карзай һуҗумни "әң қаттиқ ибариләр" билән әйибләйдиғанлиқини билдүрүп, һуҗумда өлгән һиндистан пуқралириға "чоңқур қайғу билдүридиғанлиқи вә һал сорайдиғанлиқи"ни тәкитлиди. Кабулдики һуҗум ш а о ә т қошуни җәнубий афғанистандики һелман өлкисидә талибан күчлиригә қарши кәң көләмлик һуҗум башлап, җәнубий һелман өлкисиниң марҗаһ базирини қайтурувалғанлиқини җакарлап узун өтмәй йүз бәргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.