خەلقئارا كەچۈرۈم تەشكىلاتى، خىتاينىڭ «5‏-ئىيۇل ۋەقەسى» يۈز بېرىپ ئىككى يىلدىن كېيىنمۇ ئۇيغۇرلارنى داۋاملىق باستۇرۇۋاتقانلىقىنى تەنقىد قىلدى

خەلقئارا كەچۈرۈم تەشكىلاتى «5‏-ئىيۇل ۋەقەسى» نىڭ ئىككى يىللىقى مۇناسىۋىتى بىلەن جۈمە كۈنى بايانات ئېلان قىلىپ، «5‏-ئىيۇل ۋەقەسى» يۈز بېرىپ ئىككى يىلدىن كېيىنمۇ، خىتاي ھۆكۈمىتىنىڭ ئىپادە ئەركىنلىكىنى ۋە چەتئەل بىلەن ئۇچۇر-ئالاقە قىلغان ئۇيغۇرلارنى داۋاملىق باستۇرۇۋاتقانلىقىنى تەنقىد قىلدى.
مۇخبىرىمىز ئەركىن
2011-07-01
Share

خىتاينى ئۆزىنىڭ ئىپادە ئەركىنلىكى ۋە يىغىلىش ئەركىنلىكى ھوقۇقىنى قوللانغان ئۇيغۇر تۇتقۇنلىرىنى، جۈملىدىن خىتاي تۈرمىسىدىكى مەمەتجان ئابدۇللا، غەيرەت نىياز، دىلشات پەرھات ۋە ئەرشىدىن ئىسرائىل قاتارلىق كىشىلەرنى دەرھال قويۇپ بېرىشكە، ئۇيغۇرلارنىڭ يۇقىرىقى ساھەلەردىكى ئەركىنلىك ھوقۇقىغا ھۆرمەت كۆرسىتىشكە چاقىردى.

خەلقئارا كەچۈرۈم تەشكىلاتى يۇقىرىدا تىلغا ئېلىنغان تۈرمىدىكى ئۇيغۇر تۇتقۇنلىرىنىڭ ئەھۋالىنى تونۇشتۇرۇپ، «خىتاي ھۆكۈمىتى ئۆز پىكرىنى تىنچ يوللار بىلەن ئىپادىلىگەن ياكى دائىرىلەر سەزگۈر، دەپ قارىغان ئۇچۇرلارنى ئاشكارىلىغان شەخسلەرنى «تېررورچىلىق» بىلەن ئەيىبلەپ، ۋەھىمىلىك كەيپىيات ياراتماقتا ۋە بۇ ئارقىلىق ئۇيغۇرلارنىڭ كىشىلىك ھوقۇق دەپسەندىچىلىكىگە ئۇچراۋاتقانلىقىغا دائىر ئۇچۇرلارنى تامامەن توسۇشقا ئۇرۇنماقتا» دەپ تەكىتلىگەن.

خىتاي ھۆكۈمىتى يېقىندا مارالبېشىلىق دېھقان ياش مەخمۇت ئابلىمىتنى چەتئەلدىكى دوستى بىلەن ئالاقە قىلغانلىقى ئۈچۈن «بۆلگۈنچىلىك» بىلەن ئەيىبلەپ تۇتقۇن قىلغان ئىدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت