Xongkongda yüz bergen kéme qazasi seweblik 6 adem qolgha élindi

Melum bolushiche, xongkong da'iriliri bügün yene uqturush chiqirip,4-öktebir peyshenbe künidin bashlap xongkongda uda üch kün bayraq yérim chüshürülüp, kéme qazasida ölgüchilerge matem tutulidighanliqini, bu künlerdiki barliq tebriklesh pa'aliyetlirining bikar qilin'ghanliqini élan qilghan.

Xongkong metbu'atlirining xewer qilishiche, kéme soqulush weqesi 1-öktebir küni xongkong waqti kech sa'et 8din 23 ötkende yüz bergen. Eyni chaghda xongkong éléktr guruhi shirkitining kémiside bayram kéchisidiki salyotni tamasha qilish üchün chiqqan shirket xizmetchiliri we ularning a'ile-tawabi'atliridin 124 neper kishi, jyulong shirkitining kichik tiptiki kémiside 10 neper kéme xadimi bar bolup, weqe yüz bergendin kéyin xongkong da'iriliri 630 neper qutquzush xadimi,51 qutquzush aptomobili hem 10 dane ot öchürüsh kémisi ewetip jiddiy qutquzush élip barghan.