كوفى ئاننان ۋەزىپىسىدىن ئىستېپا بېرىدىغانلىقىنى جاكارلىدى

بۈگۈن بىرلەشكەن دۆلەتلەر تەشكىلاتى ۋە ئەرەب بىرلىكىنىڭ سۈرىيە مەسىلىسىگە بېكىتكەن ئەلچىسى كوفى ئاننان ۋەزىپىسىدىن ئىستېپا بېرىدىغانلىقىنى جاكارلىدى.
مۇخبىرىمىز ئىرادە
2012-08-02
Share

كوفى ئاننان ئىستېپا بېرىشىگە سۈرىيىدىكى قىرغىنچىلىقنىڭ تېخىمۇ ئەۋج ئېلىپ كېتىشى ۋە خەۋپسىزلىك كېڭىشىنىڭ ھازىرغىچە بۇ مەسىلىدە پىكىر بىرلىكى ھاسىل قىلالماسلىقىنىڭ سەۋەب بولغانلىقىنى ئېيتقان.

كوفى ئانناننىڭ ۋەزىپىسى 31-ئاۋغۇست كۈنى رەسمىي ئاياغلىشىدىكەن. ئەمما ھازىرچە كوفى ئانناننىڭ ئورنىغا كىمنىڭ تەيىنلىنىدىغانلىقىنى ئېنىق ئەمەس.

خەۋپسىزلىك كېڭىشىنىڭ دائىمىي ئەزاسى بولغان رۇسىيە ۋە خىتاي خەۋپسىزلىك كېڭىشىدىكى 3 قېتىملىق ئاۋاز بېرىشنىڭ ھەممىسىدە قارشى ئاۋاز بېرىپ، ب د ت نىڭ بەشەر ئەسەدنى قىرغىنچىلىقتىن توختىتىش ئۈچۈن بىر تەدبىر ئېلىشىغا توسالغۇ بولغان ئىدى. كوفى ئاننان سۆزىدە، ئەگەر بەزى دۆلەتلەر ئۆز دۆلىتىنىڭ مەنپەئىتىدىن ئازراق ۋاز كېچەلىسە، سۈرىيە خەلقىنى يەنىلا قۇتۇلدۇرۇۋالغىلى بولىدۇ، دېگەن.

ب د ت باش سېكرېتارى بان كىمۇن كوفى ئانناننىڭ ئىستېپا قارارىدىن كۆڭلىنىڭ يېرىم بولغانلىقىنى بىلدۈرگەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت