Lxasaning qedimiy sheher merkizini saqlap qélish üchün 1 milyard 200 milyon yüen ajritilghan

Amérika birleshme agéntliqining yerlik hökümet xewerliridin neqil élip xewer qilishiche, mezkur qurulush jem'iy 7 ay dawam qilidiken.

Bu jeryanda asasen lxasa shehirining qedimiy rayonliridin biri bolghan barkxor rayonining, asasiy mu'essesisi, su - tok yolliri we ewrez yoli téximu rawanlashturulidiken.

Melum bolushiche, barkxor rayoni 7 - esirde berpa qilin'ghan bolup bu rayonda qedimiy tibet monastirliri we qedimiy tibet mémarchiliqi eng yaxshi saqlinip qalghan iken.

Tibet aptonom rayon hökümiti qedimiy sheher rayonlirini saqlap qélish üchün milyard yüendin artuq meblegh ajratqan bolsimu, Uyghur aptonom rayon hökümiti tarixi 3 ming yildin artuqluqi ilgiri sürülgen qedimiy qeshqer rayonlirini “Özgertip, tüzesh qurulushi” namida chéqip yötkep Uyghur medeniyitining qedimiy iznalirini öchürüshke tirishqan idi.