Америка палата әзалири хитай даирилирини лю шавбони қоюп беришкә чақирди

Икки нәпәр америка палата әзаси җүмә күни хитай түрмисигә қамалған нобел тинчлиқ мукапати саһиби мәсилиси қайта оттуриға қоюп, хитай даирилирини уни қоюп беришкә чақирди.
Мухбиримиз җүмә
2011.08.06

Америка дөләт мәҗлиси кишилик һоқуқ комитетниң рәислиридин җәймис микговерн вә франк волфлар бу һәқтә баянат елан қилди.

Җәймис микговерн баянатида: мән хитай һөкүмитидин бу әр аялларниң җәм болушиға һәмдә уларниң тинч вә әркин яшишиға йол қоюшини тәләп қилимән, деди.

Франк волф, түрмидики лю шявбо вә униң нәзәр бәнд астиға елинған аяли “дәрһал вә шәртсиз қоюп берилиши керәк” дәп көрсәтти.

Бу йил 55 яшқа кекиргән лю шявбо хитайни демократийигә чақиридиған “2008 хитабнамиси” ни йезишқа қатнашқанлиқи үчүн даириләр тәрипидин 2009-йили 11 йиллиқ қамақ җазасиға һөкүм қилинған.

Униң аяли лю шаму өйидә нәзәр бәнд астиға елинған иди.

Лю шявбоға 2010-йиллиқ нобел тинчлиқ мукапати берилгән.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.