Prézidént obama héygil bilen brénenni dölet mudapi'e ministirliqi we merkizi axbarat idarisining mes'ulluqigha namzat qilip körsetti

Amérika prézidénti obama düshenbe küni sabiq jumhuriyetchi kéngesh palata ezasi chak héygil bilen bilen aq sarayning térrorluqqa qarshi turush bash meslihetchisi jon brénenni amérika dölet mudapi'e ministiri we merkizi axbarat idarisining mes'ulluqigha namzat qilip körsetti.
Muxbirimiz erkin
2013-01-07
Élxet
Pikir
Share
Print

Her ikki namzat amérika kéngesh palatasining maqulluqini élishi kérek. Közetküchiler, her ikki namzatning kéngesh palatasining maqulluqini élishi asan'gha toxtimaydighanliqini bildürmekte. Bezi jumhuriyetchi kéngesh palata ezaliri chak héygilni"Isra'iliyige dostane emes" dep tenqidlep, uning iran mesiliside bek yumshaq qol ikenlikini ilgiri sürgen. Chak héygil ilgiri amérikining iraqqa hujum qilishini qollighan bolsimu, biraq hökümetning iraq siyasitini tenqid qilghan.

Brénen bolsa merkizi axbarat idarisining tutqunlarni qattiq wasitilerni qollinip soraq qilish mesiliside kéngesh palata ezalirining jiddiy so'allirigha duch kélishi mumkin. U, merkizi axbarat idarisining menggü amérikining aliy qimmet qarishini qoghdishigha kapaletlik qilidighanliqini bildürgen.

Prézidént obama yéqinda jon keriyni dölet ishlar ministiri hilariy klinton xanimning ornigha namzatliqqa körsetken idi. Prézidént 2‏-qétimliq wezipige 20-yanwar olturidu. U 2‏-qétimliq wezipige olturushtin burun, hökümetning yéngi rehberlik yadrosini shekillendürüshke bashlidi.

Toluq bet