10 - Féwral 'muhebbetning on sherti' amérikida körsitilmekchi

10 - Féwral amérika démokratiyini ilgiri sürüsh jem'iyitining orunlashturushida "muhebbetning on sherti" amérikida körsitilmekchi.
Muxbirimiz jume
2010.02.06
Share on WhatsApp
Share on WhatsApp

"Muhebbetning on sherti" namliq hajetlik filimde Uyghur milliy herikiti yétekchisi rabiye qadir xanimning hayati - pa'aliyiti we uning kishilik hoquq körüshi yolida chekken jebri - japaliri teswirlen'gen.

Filim 10 féwral charshenbe küni kech sa'et 5 de, amérikida dölet mejlisi ishxana binaliridin biri bolghan rayburn sariyining 318 - nomurluq zalida körsitilidiken.

Démokratiyini ilgiri sürüsh jem'iyiti tarqatqan bu heqtiki élan'gha qarighanda, filimni körsitish pa'aliyitini tom lentos kishilik hoquq komitéti birlikte uyushturghan. Pa'aliyetke amérika dölet mejlisi ezaliridin jim mkgowern, frank wolf qatarliqlarmu ishtirak qilidiken.

Uqturushta körsitishiche, rabiye qadir xanim filimni qoyush murasimining échilish nutiqini sözleydiken.

Rabiye qadir xanimning hayati - pa'aliyiti bash téma qilin'ghan höjjetlik filim "muhebbetning on sherti" ni awstraliyidiki rézhissor jéf daniél ishligen. Filim ötken yili awghustta awstraliyining mélburn xelq'ara filim féstiwalida qoyulup, aldinqi on höjjetlik filim qataridin orun alghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.