مېلبۇرن خەلقئارا فىلىم فېستىۋالى 'مۇھەببەتنىڭ 10 شەرتى' سەۋەبىدىن ۋالتېير سۆز ئەركىنلىك مۇكاپاتىغا ئېرىشتى

ئاۋسترالىيىنىڭ ئەڭ چوڭ كىشىلىك ھوقۇق تەشكىلاتلىرىدىن "ئازات ۋىكتورىيە" تەشكىلاتى 2010 ‏ - يىللىق ۋالتېير سۆز ئەركىنلىك مۇكاپاتىنىڭ مېلبۇرن خەلقئارا فىلىم فېستىۋالىغا بېرىلگەنلىكىنى ئېلان قىلدى.
ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ
2010.05.28

بۇ مۇكاپات مېلبۇرن فىلىم فېستىۋالىنىڭ 2009‏ - يىلى خىتاينىڭ بېسىمىغا باش ئەگمەي د ئۇ ق رەئىسى رابىيە قادىر خانىمنىڭ ھاياتى مەزمۇن قىلىنغان "مۇھەببەتنىڭ 10 شەرتى"نى فېستىۋالدا قويۇپ، سۆز ئەركىنلىك پرىنسىپىدا چىڭ تۇرغانلىقى ئۈچۈن بېرىلگەن.

مېلبۇرن خەلقئارا فىلىم فېستىۋالى ئۆتكەن يىلى 8 ‏ - ئايدا خىتاينىڭ تەلىپىنى رەت قىلىپ، "مۇھەببەتنىڭ 10 شەرتى"نى فېستىۋالدا قويغاندىن كېيىن، خىتاي فېستىۋالنى بايقۇت قىلىپ، خىتاي فىلىملىرىنى فېستىۋالغا قاتناشتۇرمىغان. بۇ ۋەقە ئاۋسترالىيىدە زور غۇلغۇلا قوزغاپ، ئۇيغۇر مەسىلىسى خېلى كۈنلەرگىچە ئاۋسترالىيە مەتبۇئاتلىرىدا كۈنتەرتىپتىن چۈشمىگەن ئىدى.

"ئازات ۋىكتورىيە" تەشكىلاتى مەزكۇر مۇكاپاتنىڭ ھەر يىلى سۆز ئەركىنلىكىگە كۆرۈنەرلىك تۆھپە قوشقان شەخس ۋە ئورگانلارغا بېرىلىدىغانلىقىنى ئەسكەرتىپ، فىلىم فېستىۋالىنىڭ بۇ جەھەتتىكى تۆھپىسىنى نەزەردە تۇتۇپ، بۇ يىلقى مۇكاپاتنىڭ ئۇلارغا بېرىلگەنلىكىنى بىلدۈرگەن.

ۋولتېير مۇكاپاتىنىڭ مېلبۇرن فىلىم فېستىۋالىغا بېرىلگەنلىكى ئېلان قىلىنغان شۇ كۈنى، "مۇھەببەتنىڭ 10 شەرتى" ئامېرىكىنىڭ كولورادو شتاتىدىكى تېللورد شەھىرىدە ئۆتكۈزۈلگەن "تاغ فىلىم فېستىۋالى"غا قاتناشتۇرۇلدى.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.