' Муһәббәтниң 10 шәрти' бу йил 1 - сентәбир йеңи зелландийидә көрситилидикән

Уйғур миллий һәрикити йетәкчиси рабийә қадир ханим һәққидә ишләнгән һөҗҗәтлик филим йеңи зелландийидиму қоюлидиған болуп, хитай һөкүмитиниң бу һәқтә йиңи зелландийә тәрәпкә наразилиқ билдүридиғанлиқи илгири сүрүлмәктә.
Мухбиримиз җүмә
2009.08.03

Вашингтон почтиси гезитидә нәқил елип көрситишичә, йеңи зелландийидә турушлуқ хитай әлчиханиси баянатчиси, бу хәвәрниң хитай әлчисиниң сәмигә селинидиғанлиқини, етираз билдүрүш - билдүрмәслик қарариниң баш әлчи тәрипидин чиқиридиғанлиқини илгири сүргән.

Хәвәрдә көрситилишичә, рабийә қадир ханим һәққидә ишләнгән " муһәббәтниң 10 шәрти" намлиқ һөҗҗәтлик филим бу йил 1 - сентәбир йеңи зелландийә маори телевизийисидә көрситилидикән.

Бу һәқтә тохталған йеңи зелландийә ‏ - хитай бирләшмисиниң баш катипи җим хе, бу филимниң көрситилиши кишиләр арисида йеңи зелландийидә яшаватқан хитай җамаитигә нисбәтән хата чүшәнчә пәйда қилидиғанлиқини билдүргән.

Мәлум болушичә, рабийә қадир ханим сәйшәнбә күни мелбурн шәһиригә йетип келидикән вә чаршәнбә күни хәлқара филим фестивалиға қатнашқандин кейин, шәнбә күни австралийә дөләтлик ахбарат кулубида мухбирларни күтүвелиш йиғин өткүзидикән.

Хәвәрдә оттуриға қоюлушичә, маори телевизийиси " муһәббәтниң он шәрти" намлиқ һөҗҗәтлик филимини көрситиш һоқуқини 2000 америка доллириға сетивалған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.