Д у қ рәиси рабийә қадир ханим гума вәқәсигә инкас қайтуруп, б д т ни вәқәни тәкшүрүшкә чақирди

28-Декабир гума мукуйла вәқәси мунасивити билән бүгүн дуня уйғур қурулитийиниң рәиси рабийә қадир ханим б д т ни бу вәқә үстидә тәкшүрүш елип беришқа чақирди.
Мухбиримиз ирадә
2011-12-29
Share

Хитай һөкүмәт даирилири түнүгүн тарқатқан хәвәрлиридә хотәнниң гума наһийисидә "бир террорлуқ гурупписиниң 7 адими етип өлтүрүлди, 4 нәпири яридар қилинди" дәп елан қилинған иди. Әмма бүгүн радиомиз игилигән учурлардин гума наһийисидә сақчилар тәрипидин етип өлтүрүлгән бу 7 кишиниң чегридин қачмақчи болған уйғурлар икәнлики мәлум болди.

Вәқә 28-декабир кечиси гума наһийисидики мукуйла йезиси тәвәсидә йүзбәргән. Сақчилар уларни тосувалмақчи болғанда икки тәрәп арисида тоқунуш йүз бәргән. Тоқунушта, гума наһийилик сақчи идарисиниң муавин башлиқи адил абдувәли өлгән.

Вәқә һәққидики хәвәрләр ашкариланғандин кейин хәлқаралиқ мәтбуатларниң қизиқ нуқтисиға айлинип, бирләшмә агентлиқи, ройтерс, лос-анҗелис вақти гезити, с н н, телеграф гезити қатарлиқ бир йүрүш мәшһур хәлқаралиқ ахбарат васитилириниң һәммисидә дегүдәк елан қилинди.

Уйғур миллий һәрикитиниң рәһбири рабийә қадир ханим радиомизда баянат елан қилип, бирләшкән дөләтләр тәшкилатини вәқә үстидин тәкшүрүш елип беришқа чақирди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт